ថ្មីៗ! គ.ជ.ប ទាន់ចោលរាល់ព៍តមានរបស់ជន អគតិដែរបំប៉ោងព៍តមានវាយប្រហារមកលើស្ថាប័នខ្លួន ក្នុងការបោះឆ្នោតនៅឆ្នាំ ២០១៨ ខាងមុខ

គ.ជ.ប បានជូន​សាធារណជន​ទាំងអស់​ឱ្យបាន​ជ្រាបថា ប៉ុន្មានថ្ងៃកន្លងមកនេះ​មានការ​បំផ្លោង​ព័ត៌មាន​របស់ជន​អគតិ​មួយចំនួន​ ដែលបានវាយ​ប្រហារ​មក​លើ​ស្ថាប័ន គ.ជ.ប​ ដែលពាក់ព័ន្ធនឹង​បញ្ហា​ ២​

(ភ្នំពេញ)៖នៅព្រឹកថ្ងៃទី០២ធ្នូឆ្នាំ២០១៧ នៅនៅគេហទំព័រផ្លូវការរបស់ គណៈកម្មាធិការជាតិរៀបចំការ បោះឆ្នោត  (គ.ជ.ប) បានចេញសេចក្តីប្រកាសមួយទាត់ចោល នូវព័តមានបំភ្លៃការពិតរបស់ជន អគតិមានការបំផ្លោងព័ត៌មាន ដែរធ្វើការវាយប្រហារមកលើស្ថាប័នគជប នេះបើតាមការបកស្រាយ នៅលើផេកផ្លូវការរបស់គជប នៅព្រឹកនេះមុននេះបន្តិច។

នៅក្នុងការសេចក្តីប្រកាសរបស់ខ្លួននោះក្រុមក្រុមប្រតិកម្មព័ត៌មានរបស់គណៈកម្មាធិការជាតិរៀបចំការបោះឆ្នោត (គ.ជ.ប)បានអោយដឹងថាប៉ុន្មានថ្ងៃកន្លងមកនេះមានការបំផ្លោងព័ត៌មានរបស់ជនអគតិមួយចំនួន ដែលវាយ ប្រហារមកលើស្ថាប័ន គ.ជ.ប ពាក់ព័ន្ធនឹងបញ្ហា ២ ដូចខាងក្រោម៖

 ទី១-អំពីឯករាជ្យភាពអព្យាក្រឹត្យភាពនិងយុត្តិធម៌របស់គ.ជ.ប
 ទី២ -អំពី បដិវត្តន៍ពណ៌ ។

ជំហរដឹកនាំរបស់ គ.ជ.ប ថ្មីនេះ ទោះជាសមាសភាពមកពីមជ្ឈដ្ឋានណាក៏ដោយ ក៏ត្រូវតែរៀបចំការ បោះឆ្នោតឱ្យបានត្រឹមត្រូវបំផុតស្របតាមច្បាប់កំណត់។ គ្មានបុគ្គលណា សមាសភាព ណា អង្គការណា អង្គភាព ណា បរទេសណា អាចមកដាក់សម្ពាធ ឬប្រទាញ គ.ជ.ប ឱ្យអនុវត្តប្រាសចាក ពីគតិច្បាប់ ក្នុងការរៀបចំការបោះឆ្នោតនេះបានឡើយ ។

បើតាមសេចក្តីប្រកាស នេះដដែល ក្រុមក្រុមប្រតិកម្មព័ត៌មានរបស់គណៈកម្មាធិការជាតិរៀបចំការបោះឆ្នោត បានបន្ថែមថា ដោយសារជំហរឥតងាករេពីគតិច្បាប់ និងយុត្តិធម៌នេះហើយ ទើបលទ្ធផល នៃការ បោះឆ្នោត ជ្រើសរើសក្រុមប្រឹក្សាឃុំ សង្កាត់ ឆ្នាំ២០១៧កន្លងមក ត្រូវបានគ្រប់ភាគីពាក់ព័ន្ធ គ្រប់មជ្ឈដ្ឋានជាតិ និង អន្តរជាតិរួមទាំងសហរដ្ឋអាមេរិក វាយតម្លៃយ៉ាងត្រឹមត្រូវថា ជាការបោះឆ្នោតគួរឱ្យជឿទុកចិត្តបាននិងល្អជាង ការបោះឆ្នោតមុនៗនោះគឺមិនមែនដោយសារតែវត្តមានសមាសភាពគ.ជ.ប មកពីគណបក្សនយោបាយ ណាមួយនោះទេព្រោះនេះជាសច្ចៈភាពប្រវត្តិសាស្រ្តសម្រាប់គ.ជ.ប ហើយក៏ជាមោទនភាពរបស់ជាតិ ខ្មែរដែរ។

គ.ជ.ប បានកំណត់មាគ៌ារួចជាស្រេចហើយ ទោះសមាសភាពមកពីមជ្ឈដ្ឋានណាក៏ដោយ គឺ គ.ជ.ប នៅ តែប្រកាន់ជំហរ ឯករាជ្យ អព្យាក្រឹត្យ តម្លាភាព និងយុត្តិធម៌ជាដាច់ខាត ។ គោលការណ៍ធំបំផុត របស់ គ.ជ.ប គឺធ្វើយ៉ាងណាឱ្យប្រជាពលរដ្ឋខ្មែរដែលមានសិទ្ធិបោះឆ្នោត មានឈ្មោះក្នុងបញ្ជីបោះឆ្នោតត្រឹមត្រូវ បោះឆ្នោត ដោយសេរីអំពីបញ្ហាពាក់ព័ន្ធបដិវត្តន៍ពណ៌៖ បដិវត្តន៍ពណ៌ នេះ បានកើតឡើងនៅក្នុងពិភពលោក រាប់ទសវត្សរ៍ មកហើយ និងមានប្រទេសជាច្រើននៅលើពិភពលោក បានរងគ្រោះដោយសារបដិវត្តន៍ពណ៌ នេះ ។ នៅក្នុង សម័យកាលអ៊ិនធឺណែត (Internet) បច្ចុប្បន្ននេះមិនខ្វះទេនូវព័ត៌មានដែលបានសិក្សា វាយតម្លៃ និងផ្សព្វផ្សាយអំពីផលវិបាកនៃបដិវត្តន៍ពណ៌នេះ ។

 

ជាចុងបញ្ជប់គជបក៍បានណែនាំ សាធារណៈអោយធ្វើការការសិក្សាស្វែងយល់បន្ថែមនូវបដិវត្តន៍ពណ៌នៅក្នុង Internetដោយវាយពាក្យColorRevolutionឬRevolutiondeCouleur នោះយើងនឹងបានទទួលព័ត៌មាន គ្រប់គ្រាន់អំពីមេក្លោង មេទ្រឹស្តី ព្រមទាំងវិធីសាស្រ្តល្អិតល្អន់សម្រាប់អនុវត្តបដិវត្តន៍ពណ៌នេះ ហើយនឹង ឃើញថា តើដូចគ្នានឹងព្រឹត្តិការណ៍ដែល កើតមានឡើងថ្មីៗនៅក្នុងប្រទេសកម្ពុជានេះដែរឬទេ?

ខាងក្រោយមនេះជាសេចក្តីលំអិតរបស់សេចក្តីប្រកាសនេះ៖